Коркатовский лицей

Теле тылзын 23 кечынже Коркатово лицейын марий йылме, сылнымут деке шуман чолга тунемшыже-влак М. Шкетан театрыште регион кокласе «У ий куан» 🎄пайремыш миен коштыч. Йоча-влак шуко конкурслаште шке вийыштым тергат, сенгыше радамыш логалыт. Сандене У ий вашеш нунылан тыгай пайремыш логалаш пиал шыргыжале. Шушаш У ий дене эн чолга марий йоча-влакым Марий Мер Каҥаш вуйлатышын икымше алмаштышыже В.А. Мочаев, республикысе марий тӱвыра рӱдер вуйлатыше Наталья Пушкина саламлышт. Мемнан тунемше-влакынат йукышт кугу сцене гыч йогыш. Сенгыше-влак коклаште Васильева А. (2 кл), Рассанова Н. (2 кл) полек дене палемдышт. А кумылым Шкетан театрын артистше-влак «Кум ака-шужар» йомак спектакль дене эшеат кушко нолтышт. Пытартышлан Йӱштӧ Кугыза ден Лумӱдыр йоча-влаклан шере пӧлекым кучыктышт. #Коркатовскийлицей #Моркинскийрайон #РеспубликаМарийЭл #мариййылме #Шкетантеатр #2022 #уий