22 августышто Медведевысе тувыра да каныш рудерыште районысо туныктышо-влакын конференцийышт эртен. Тудым «Медведево муниципальный район» муниципальный образований администрацийын туныктымо паша да самырык-влак шотышто полкажым вуйлатыше Е. С. Яковлева почын.
Ужмо уна-влак коклаште Медведево муниципальный район вуйлатыше Д. Г. Шагиахметов, тудын аламаштышыже Н. И. Шалагин, Марий Эл Республикысе туныктымо министрын первый алмаштышыже Т. М. Гусакова, МарГУ-н первый проректоржо О. А. Сидоров лийыныт.
Елена Сергееван докладшым канашымаште ятыр туныктышо мутым ойлен. Нунын коклаште Медведево районысо йоча да самырык-влакын техника творчество рудерын директоржо Л. В. Ермолаеват лийын. Тудо йоча-влаклан ешартыш шинчымашым пуымо пашам шуктен шогымо нерген каласкален.