Эн изит ийготан коклаште Н. Антонов ден Д. Новоселов эн ончылно лийыныт. Пытартыш турышто сеналтмашат нунылан икымше ден кумышо верым налаш мешаен огыл.
Удыр-влак коклаште Е. Насырова кокымшо турышто чемпион лумым сенен налаш тыршыше дене вашлийын. Неле кучедалмаште модын колтымек, кокымшо верым налын.
2003 ийыште шочшо рвезе-влак коклаште Г. Опалев туналтыш гычак ончыко лектын да мучаш марте иктыланат вуйым пуэн огыл. Пытартыш турышто эн тале шахматистым сенен, икымше верым налын. П. Безденежных кумышо лийын.
Удыр-влак коклаште С. Тушенцован уто фигурыжо лийын. Но вучыдымын тудо ферзьым модын колтен да тидлан кора кокымшо верым веле налын. Ешартыш показатель-влакым шотлымек пале лийын: А. Трохимецлан кумышо верым пуэныт.
2001-2002 ийлыште шочшо рвезе-влак коклаште К. Житников эн тале лийын. Пытартыш турышто веле тудо ничьям ыштен да тыге чемпион лумым сене налын.
Д. Крюкинан модыш ушнен огыл, тудо кумышо верым веле налын.
1999-2000 ийлаште шочшо рвезе-влак коклаште пытартыш турышо А. Мусоров модын колтен да тыге тудо награда деч посна кодын.
1997-1998 ийлаште шочшо рвезе-влак коклаште мемнан шахматист-влакын модышышт ушнен огыл. Нуно нылыме да визымше верыш веле лектыныт.
Удыр-влак коклаште А. Антонова, пытартыш партиыйыште модын колтен, кокымшо верыш лектын. Д. Шадевская кумышо лийын.
Эн кугу ийготан-влак коклаште А. Рязанов чыла парттийымат модын налын да икымше верыш лектын. В. Ефремова кокымшо лийын, А. Криворотова – кумышо.
Кугурак ийготан удыр-влак коклаште М. Кузьмина эн тале ыле. Тудо уэшын чемпион лумым сенен налын.
Тыге сезон мучашыш шуын. Иктешлаш гын, республикысе танасымаште удан огыл модмо, но медаль эшеат шукырак лийын кертеш ыле.