Муниципальное бюджетное общеобразовательное учреждение Емешевская средняя общеобразовательная школа Горномарийского района Республики Марий Эл

28 февральын 5-шы классышты тыменьшӹвлӓ 10-шы межрегиональный конкурс-фестиваль "Таланты и поклонники"-штӹ ӹшке силаштым тергенӹт. 13 команды ылын. Цилӓн яжон йӓмдӹлӓлт толыныт. Пашкуды республика гӹцат ылыныт. Шукыжок музыкальный композицим йӓмдӹленӹт. Эмӓн школыштыш театральный кружокыш каштшы ӹдӹр-ӹрвезӹвлӓ Петр Цвиркан "Шӹжвӹк"сценкым мадын анжыктенӹт. Ти картинышты изи ӹрвезӹ гишӓн попалтеш. Алеша разведчик ылын. Шӹжвӹк да куку юк доно партизанвлӓлӓн керӓл увервлӓм шижтӓрен. Маняр гана шӹжвӹклӓ шишкалта, тӹнӓр немец улы. Кукула мыралтен колта - пулеметын шотшы. Тенге лӱддӹмӹ ӹрвезӹ Сӹнгӹмашӹм лишемдӓш палшен. Ӹдӹр-ӹрвезӹвлӓ сценышты эче пӹтӓриш ашкылвлӓм веле ӹштат гӹнят, ӹшкӹмӹштӹм артистлӓок виден мыштеныт.