Муниципальное бюджетное общеобразовательное учреждение Емешевская средняя общеобразовательная школа Горномарийского района Республики Марий Эл

21 февральын туан йӹлмӹн кечӹжӹ пäлемдäлтеш. Мäмнäн туан йӹлмӹнä кырык мары йӹлмӹ ылеш. Айо анзыц школыштына кырык марла лыдышым наизусть шайыштшывлäн тäнгäшӹмаш эртен. Мероприятиштӹ шачмы кымдем, сӹнгӹмäш кечӹ, сäндäлӹкӹм перегӹшӹвлä гишан лыдышвла сӹлнӹн йонгалтыныт. Видӹшӹвлääт, 7 классыштышы ӹдӹрвлä Вика Л. да Ксения И., мероприятим лывыргын кырык мары йӹлмӹ доно виденӹт. Лыдшывлääт анжышывлäм сусуэмденӹт. Самӹрӹк сирӹзӹ Анна Серебрякован лыдышвлä йäнгеш вазевӹ, тӹдӹн сирӹмӹ куд лыдышым изирак классвлäштӹ тыменьшӹвлä шайыштыныт: 1 класс гӹц Минеев Д. «Кырык сирем» лыдыш, Степанова В. «Эмäн солаэм», Сидорова У. «Парнингäшӹн йӹрäлтӹшӹжӹ», 2 класс гыц Матюков М. «Картук сола», Батыгин Н. «Патыр линем», Роюков М. «Вырсы» лыдышвлä доно пäлӹмӹм ӹштенӹт. Тенгеок М. Майнын «Войнажы ак кел вет мäлäннä», (лыдын Денисов М., 4 кл), Н. Ильяковын «Скрипка» (Смиренская Д, 5 кл), П. Андриановын «Сӹнгӹмäш кечӹ» (Тораева Ю, 6 кл), А. Бикын «О, Родина! Мӹнь тӹньӹм яратем» (Марсекеева А, 7 кл), М. Казаковын «Äштӹ, тäнг» (Морозкина А., 8 кл), А. Атюловын «Фронтовиквлä» (Александрова С., 10 кл) лыдышвлä сцены вӹлец шактенӹт.